Vuolgge lonohallamii Dánmárkui, Ruonáeatnamii dahje Fær-sulluide!
Dánmárkku, Ruonáeatnama ja Fær-sulluid north2north stipeanda studeanttaide, oahpaheddjiide ja bargiide geat vulget lonohallamii. Ohcanáigemearri: geassemánu 8. beaivvi 2015!
North2north lonohallan studeanttaide
UArctica north2north prográmma almmuha ođđasit stipeandda ohcanláhkái sihke olggosmanni ja sisaboahtti studeanttaide Dánmárkui, Ruonáeatnamii ja Fær-sulluide. Stipeanddat leat vuosttažettiin oaivvilduvvon fealtaskuvllaide, geasseskuvllaide ja konferánsaoassálastimiidda maiguin lea Árktalaš ja davviriikalaš fokus 2015:is. Oza ovdal geassemánu 8. beaivvi.
Almmuheapmi lea guoskevaš dáid institušuvnnaide:
- Aarhus University (http://education.uarctic.org/universities/denmark/8945/aarhus-university)
- Arctic Technology Centre at Technical University of Denmark (http://education.uarctic.org/universities/denmark/8459/arctic-technology-centre-technical-university-of-denmark)
- Roskilde University (http://education.uarctic.org/universities/denmark/8697/roskilde-university)
- University of the Faroe Islands (http://education.uarctic.org/universities/faroe-islands/8898/university-of-the-faroe-islands)
- Ilisimatusarfik / University of Greenland (http://education.uarctic.org/universities/greenland/8475/ilisimatusarfik-university-of-greenland)
- Department of Environmental and Business Economics at the University of Southern Denmark (http://education.uarctic.org/universities/denmark/8866/department-of-environmental-and-business-economics-university-of-southern-denmark)
- Perorsaanermik Ilinniarfik / College of Social Education (http://education.uarctic.org/universities/greenland/11213/perorsaanermik-ilinniarfik-college-of-social-education)
Mobilitehta galgá dáhpáhuvvat ovtta dáin namuhuvvon institušuvnnaid ja ovtta eará UArctic north2north ovttasbargoinstitušuvnna gaskal.
Geahča buot UArctic ovttasbargoinstitušuvnnaid dáppe:
Rabas studeanttaide buot dásiin alit oahpus (bachelor, master- og PhD).
Deavdde ohcanskovi dáppe:
http://education.uarctic.org/mobility/application-form
Jus leat gažaldagat, váldde oktavuođa internašunaliserenkonsuleanta Sámi allaskuvllas ovdal ohcanáigemeari mii geassemánu 8. beaivvi. Mearrádus dahkko maŋŋel geassemánu 24. beaivvi.
North2north lonohallan bargiide ja oahpaheddjiide
Bargit ja oahpaheaddjit sáhttet maid ohcat vuolgit lonohallamii Dánmárkku, Ruonáeatnama ja Fær-sulluid institušuvnnaide, nu guhka go vulget UArctic north2north institušuvnnaide.
Oza ovdal geassemánu 8. beaivvi.
Eavttut vuolgit lonohallamii (oahpaheddjiide ja bargiide):
- Ohcci ferte leat bargi ovtta UArctic institušuvnnas.
- Ii leat mearriduvvon man guhka lonohallan bistá, muhto unnimustá vihtta (5) beaivvi; oahpahus, dutkan dahje fierpmádaga ovdaneapmi, ovtta árktalaš guoskevaš temái.
- Mobilitehta doaibma berre dáhpáhuvvat 2015:is (giđa 2016 lea maid vejolaš).
- Ohccis alddis lea ovddasvástádus gávdnat ovttasbargo universitehta ja ordnet/lágidit lonohallama.
- Ovdalgo sáddet ohcama north2north gulahallanolbmui Dánska, Ruonáeatnama dahje Fær-sulluid institušuvdnii, muitte váldit oktavuođa gulahallanolbmuin guosseuniversitehtas, ja oažžut ruovttu universitehtas lobi (vuolláičállaga ohcamii) vuolgit lonohallamii
- Alimus máksu maid sáhttá oažžut lonohallamis lea 1500 €
- Sii geat váldet vuostá doarjaga, galget sáddet oanehis raporta mas govat, go gerget lonohallamis.
Jus áiggut ohcat, deavdde ohcama ja sádde ovdal 08.06.2015 dan north2north universitehta koordináhtorii gosa leat ohcame. North2North koordináhtoriid gávnnat universitehta neahttasiiddus (FUOM! Juohke universitehtas lea sierra koordináhtor).
Ohcama gávnnat dáppe: http://www.uarctic.org/news/2015/5/staff-and-faculty-north2north-exchange-funding-available-from-and-to-danish-greenlandic-and-faroese-to-other-north2north-members-of-uarctic/ .
Mearrádus dahkko maŋŋel geassemánu 24. beaivvi.
Stipeanddaid ođđasit almmuhemiid gávnnat maiddái interneahtas:
Studeanttaide:
Oahpaheddjiide ja bargiide:
