- Šaddá gelddolaš!
Ođasvuorká
Oahpaheaddjeoahput: Laura Njunnás
Laura Njunnás Eanodagas eret lea gárveme sámi oahpaheaddjeoahpu mastera Sámi allaskuvllas. Son rámida Norgga Sámedikki stipeandaortnegiid mat gusket sutnje maid gii lea Suoma bealde eret.
Boazoealáhus bachelor: Ann Máret Eira
Ann Máret Eira lea gazzan boazoealáhus-bacheloroahpu Sámi allaskuvllas. Dál lea sus hui relevánta bargu Nannet-nammasaš prošeavttas.
Sámegiella ja sámi girjjálašvuohta: Márjá-Kristin Skum
Márjá-Kristin Skum ii oahppagoahtán sámegiela ovdal go rávisolmmožin álggii Sámi allaskuvlii Guovdageainnus. Dál son lea juo sámegiela ja sámi girjjálašvuođa doavttirgráda čađaheame.
Oahpaheaddjeoahput: Elena Skum
Elena Skum beasai válljet bargguid gaskka go gárvii vuođđoskuvlaoahpaheaddjeoahpu 5.-10. ceahki mastera Sámi allaskuvllas diibmá giđđat.
Kvalitehtaovdánahttin skuvllas - lávdegoddi nammaduvvon
Ráđđehus lea nammadan lávdegotti mii galgá čielggadit geahččalemiid ja raporterengáibádusaid ja duođaštusaid mat adnojit skuvllas.
Circle of Honours bálkkašupmi golmma sámi dutkái
WINHEC lea 2021:s gudnejahttán Vuokko Hirvonen, Ole Henrik Magga ja Kristine Nystad Circle of Honours bálkkašumiin go áŋgirit leat ovddidan eamiálbmot alit oahpahusa.
Ođđa dieđalaš girji soabadan ja duohtavuođa kommišuvnnaid birra
Dál lea ođđa girji “Trading Justice for Peace? Reframing Reconciliation in TRC Processes in South Africa, Canada and Nordic Countries” almmuhuvvon. Girjjis leat Lulli-Afrihká, Canada ja Norgga soabadan ja duohtavuođa kommišuvnnaid barggut guovddáš fáddán. Sámi allaskuvlla dutkit Lovisa Mienna Sjöberg ja Mikkel Nils M. Sara leaba ovtta kapihttala čallan girjái. Girji lea ovttasbargu gaskkal Lulli-Afrihká, Canada ja Norgga dutkiid.
Rabasbeaivi 2022
Sámi allaskuvla lágida rabasbeaivvi njukčamánu 1. beaivvi. Mis leat earret eará logaldallamat, stándat ja bargobájit. Mii guossihit maiddái gáfe, herskkuid ja lunša. Bures boahtin!
