Buohccidivššár ságastallá pasieanttain.

Govven: Stig Brøndbo/ UiT.

čakčamánu 02. beaivi 2020

Sámi buohccidivššároahppu ohcanládje

Dál lea vejolaš ohcat sámi buohccidivššárohppui. Ohcanáigemearri lea golggotmánu 16.b. 2020. Lea Norgga arktalaš universitehta mas lea fágalaš ovddasvástádus ohppui, ja danne galgá ge ohcamuš mannat universitehta ohcanwebii.

Oahppu álgá ođđajagimánus 2021 báikkálaš čoagganemiiguin Guovdageainnus. Oahppu lea Sámi allaskuvllas. Davvisámegiella lea oahppo-ja eksamengiella.