BA - Single course

OKT 102 Dieđalaš čállin ja guorahallan

Praktihkalaš dieđut:

  • Oahppokoda: OKT 102
  • 10 oahppočuoggá 
  • Oahpo lágideapmi: Neahttadoarjjaoahpahus: Eanaš fysalaš oahppodeaivvadeamit Sámi allaskuvllas, ja lassin neahttaoahpahus. Fysalaš deaivvademiide ii leat vejolaš searvat neahta bokte.
  • Diibmoplána: TimeEdit
  • PDF icon Oahppoplána
  • Jus leat jearaldagat mat gusket oahpposajeohcamii, ohcanvuogádahkii, sisabeassangáibádusaide jna., váldde oktavuođa oahppohálddahusain, oahppohalddahus@samas.no
  • FUOM! Ohccit ávžžuhuvvojit ohcat ja čađahit OKT 102 Dieđalaš čállin ja guorahallan ja OKT 101 Eamiálbmotfilosofiija oahpu oktanagas, das go oahpuin leat oassi oktasaš oahpahus ja oktasaš barggut.

Oahpu sisdoallu

Dieđalaš čállimii gullá hábmet čállosiid vissis formála gáibádusaid mielde earet eará hábmet sisdoalu, sihkarastit čállosa siskkáldas konsisteanssa, dárkkistit čujuhusaid ja gálduid gaskavuođa, ja lágidit čállosa nu ahte lea vejolaš earáide iskat čállosa luohtehahttivuođa ja doallevašvuođa.

Oahpahusgiella
Davvisámegiella.

Oahppoprográmma gullevašvuohta
Oahppulea oassin Sámi allaskuvlla oktasaš bachelorvuođđooahpuin.

Oahpahan - ja oahppanvuogit
Oahpahus lágiduvvo sihke logaldallamin, joavkobargun, hárjehussan, semináran jabagadallamin.Vurdojuvvo ahte studeanttat oassálastet aktiivvalaččat lágiduvvon oahpahussii.

Bargogáibádusat

  1. Hábmet dutkanplána (eanemus 2 siiddu)
  2. Studeanta čađaha smávva dutkanbarggu ja gaskkusta dan čálalaččat. Čálalaš dutkanboađus lea loahpalaš eksámen. Dutkanbarggu galgá golbmii buktit bagadallamii.
  3. Searvat golmma geatnegahtton oktasaš seminárii
  4. Čađahit ovtta oktagaslaš bagadallama

Eksámen

Oktagaslaš čálalaš 10-siidosaš ruovttueksámen. Studeanta vállje ieš fágii guoski fáttá ja perspektiivva, man fágaoahpaheaddji dohkkeha.

Apply

Entrance requirements

  • Dábálaš sisabeassangáibádusat alitohppui. Sisabeassanvuođđu sáhttá leat juogo oppalaš lohkangelbbolašvuohta (čađahan joatkkaskuvlla, logahaga dahje gymnása) dahje reálagelbbolašvuohta. Oppalaš lohkangelbbolašvuođa gáibádusat olgoriikkaohcciide bohtet ovdan GSU-listtus. Go oahppu lágiduvvo sámegillii, de olgoriikkaohcciide ii gusto dárogielgáibádus, vrd. Forskrift om opptak til høgare utdanning § 2-2 (6).
  • Sámegielmáhttu.

Sámegiela gáibádusa sáhttá deavdit čuovvovaš vugiid mielde: Norgga joatkkaskuvllas sámegiella 1. dahje 2. giellan 2, Suoma logahagas eatnigielladutkkus dahje lohkan sámegiela vierrogiellan ja Ruoŧa gymnásas eatnigiellan (modersmål 200 čuoggá) dahje ođđaáigásaš giellan (moderna språk 200–300 čuoggá) dahje vástideaddji sámegieloahppu doaibmi njuolggadusaid mielde. Sámegiela gáibádusa sáhttá maid deavdit sámegiela lohkanbadjeoahpuin, 30 oahppočuoggá, dahje vástideaddji oahpuin dahje ceavzit giellageahččaleami maid Sámi allaskuvla lágida. Jus lea eahpesihkarvuohta man dási gelbbolašvuohta ohccis lea, de ášši ovddiduvvo fágalaš árvvoštallamii ja meannuduvvo dán vuođul.

  •  

Koordinator

Anni Maaret Magga Eira
E-mail: 
annime@samas.no