Dutkiidsearvi
- Dutkiidsearvi (Forskerforbundet) lea Norgga stuorimus fága- ja beroštusorganisašuvdna sidjiide geat barget dutkamiin, alit oahpahusain ja máhttogaskkustemiin.
- Dutkiidsearvvi mihttu lea buoridit bálká- ja bargoeavttuid dutkamis ja alit oahpahusas, ja gozihit miellahtuid ekonomalaš ja bargoguoskevaš beroštumiid.
- Dutkiidsearvvis leat 18 600 miellahttu geat barget dieđalaš, hálddahuslaš ja girjerádjofága virggiin universitehtain, allaskuvllain, dutkaninstituhtain, museain, arkiivvain, dearvvašvuođafitnodagain ja almmolaš hálddašeamis čadnon dutkamii ja alit oahpahussii.
- Mielláhttun sáhttet šaddat buohkat geat barget dieđalaš, teknihkkalaš-hálddáhuslaš dahje eará fágalaš virggiin maidda dábálaččat gáibiduvvo alit oahppu, ja geat barget dutkamiin ja ovdanahttimiin, alit oahpahusain, museain ja kulturmuitosuddjemiin, ja almmolaš hálddasemiin mii lea čadnon dutkanii ja alit oahpahussii. Maiddái studeanttat sáhttet šaddat mielláhttun, ja bargit geat leat mannan ealáhahkkii sáhttet doalahit mielláhttuvuođaset.
Eanet dieđuid Dutkiidsearvvi birra gávnnat Dutkiidsearvvi ruovttusiiddus www.forskerforbundet.no. Doppe gávnnat maid dieđuid miellahttuvuođa, Dutkiidsearvvi miellahttoovdamuniid ja dáhkádusaid birra.
Sámi allaskuvlla Dutkiidsearvi
Dutkiidsearvvis Sámi allaskuvllas leat 31 miellahtu. Jođiheaddji lea Elisabeth Utsi Gaup ja stivrras muđui leat Hanna Mattila, Lovisa Mienna Sjøberg ja Mikkel Nils Sara.
Šatta mielláhttu!
