Bovdehus sáddet evttohusaid Dieđut-doaimmahusgoddái
Dieđut-ráiddu doaimmahusgoddi bovde čálliid/dutkiid sáddet artihkkalčoakkáldagaid dahje girjjiid evttohusaid. Áigemearri sáddet 2026 almmuhanevttohusaid lea 15.05.2025.
Dieđut-ráiddu doaimmahusgoddi bovde čálliid/dutkiid sáddet artihkkalčoakkáldagaid dahje girjjiid evttohusaid.
Evttohusaide leat golbma molssaeavttu:
1. Sáhtát evttohit artihkkalčoakkáldaga fáttá, masa čállit
bovdejuvvojit rabas bovdejumi bokte sáddet abstrávtta sisa.
2. Sáhtát evttohit artihkkalčoakkáldaga, masa dus leat juo čállit
buot artihkkaliidda ja mas don sáhtát doaibmat
guossedoaimmaheaddjin.
3. Sáhtát evttohit almmuhit iežat dutkanteavstta Dieđut-girjin, ja sáhtát
namuhit dasa guossedoaimmaheaddji.
Sádde evttohusa čuovvovaš sisdoaluin: Dutki namma, bargosadji ja oktavuođadieđut
Jus evttohat fáttá artihkkalčoakkáldahkii masa čállit sáhttet sáddet abstrávttaid:
Sádde sisa teavstta mas ovdanbuvttát fáttá fágalaččat ja čilget manne fáddá lea áigeguovdil.
Jus evttohat olles Dieđut-artihkkalčoakkáldaga dahje Dieđut-girjji Dieđut- artihkkalčoakkáldat:
Sádde abstrávtta/čoahkkáigeasu ja dieđuid čálliid ja sin artihkkaliid birra, ja evttot guossedoaimmaheaddji.
Dieđut-girji: sádde abstrávtta/čoahkkáigeasu sisa ja evttot guossedoaimmaheaddji.
Abstrákta galgá leat eanemusat 250 sáni guhku.
Fágaguoibmeárvvoštallan dábálaš dieđalaš geavadagaid mielde.
Dieđut lea máŋggadieđalaš čálaráidu, man Sámi Instituhtta lea almmustahttán 1974 rájes. Čálaráidu gaskkusta sámedutkama bohtosiid. Sámi Instituhtta lea ovttastuvvan Sámi allaskuvllain, muhto Dieđut-ráidu almmuhuvvo nu go ovdal. Dieđut-ráiddus almmuhuvvojit sihke artihkkalčoakkáldagat ja sierranas dutkamušat servodat-, giella- ja láhkadiehtagis. Almmuheamit leat sáme-, dáro-, ruoŧa-, suoma-, eŋgelas- ja ruoššagillii.
Dieđut- almmuheamit galget čalmmustahttit Sámi dutkamušaid, omd. Sámi allaskuvlla fágabargiid, dutkiid ja doavttirgrádastipendiáhtaid dutkanbargguid. Dieđut- almmuheamit galget leat ávkin dutkiide ja oahpahusas, omd. ahte almmuheamit geavahuvvojit lohkanmearrin Sámi allaskuvlla oahpuin.
Áigumuš lea almmuhit guokte nummira jagis.
Áigemearri sáddet 2026 almmuhanevttohusaid sisa lea 15.05.2025, ja de maŋŋil doaimmahusgoddi árvvoštallá evttohusaid.
Doaimmahusgoddi
Váldodoaimmaheaddji: PhD. Ylva Jannok Nutti
Doaimmahusgotti lahtut: Prof. Annika Pasanen ja PhD. Berit-Ellen Juuso
Doaimmahusgotti čálli: Maia Hætta
